Stotra
श्री रामचन्द्र कृपालु भजु मन
Shri Ramchandra Kripalu Bhajman (Ram Stuti)
श्री रामचन्द्र कृपालु भजु मन हरण भवभय दारुणं। नवकंज लोचन कंज मुख कर कंज पद कंजारुणं॥
कन्दर्प अगणित अमित छवि नवनील नीरद सुन्दरं। पटपीत मानहु तडित रुचि शुचि नौमि जनक सुतावरं॥
भजु दीनबन्धु दिनेश दानव दैत्यवंश निकन्दनं। रघुनन्द आनन्दकन्द कोशलचन्द दशरथ नन्दनं॥
सिर मुकुट कुण्डल तिलक चारु उदारु अंग विभूषणं। आजानुभुज शर चापधर संग्राम जित खरदूषणं॥
इति वदति तुलसीदास शंकर शेष मुनि मन रंजनं। मम हृदयकंज निवास कुरु कामादि खलदल गंजनं॥
मनु जाहि राचेउ मिलिहि सो बरु सहज सुन्दर सांवरो। करुणा निधान सुजान शीलु सनेहु जानत रावरो॥
एहि भांति गौरी असीस सुनि सिय सहित हिय हरषित अली। तुलसी भवानिहि पूजि पुनि पुनि मुदित मन मन्दिर चली॥
❖ सोरठा ❖
जानि गौरी अनुकूल सिय हिय हरषु न जाइ कहि। मंजुल मंगल मूल वाम अंग फरकन लगे॥
Sourced · awaiting volunteer check
Help the community: compare this with a printed edition or official source and confirm it, or suggest a fix.
Recited on
More for Rama